The world's finest
Shayari & Poetry

kuchh to apne liye bhi rakhnaa hai
zakhm auron ko kyuun dikhaaein sab

Salman Akhtar

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

Arshad Jamal Sarim

na sikandar hai na daaraa hai na qaisar hai na jam
be-mahal khaak mein hain qasr banaane vaale

Mirza Raza Barq

sabhi se jab mohabbat chaahte ho
mohabbat kyon nahin karte sabhi se

Saleem Amrohvi

dekh ai meri zabun-haali pe hansne vaale
vaqt ki dhuup ne kis darja nikhaaraa mujh ko

Arshad Jamal Sarim

bahut nazdik aati jaa rahi ho
bichhaDne kaa iraada kar liyaa kyaa

Jaun Elia

Digriyaan-yaafta hazaaron hain
hain haqiqat mein pass ginti ke

Mukhlis Musavviri

jab bhi ki tahrir apni daastaan
teri hi tasvir ho kar rah gai

Krishna Mohan

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

Jigar Moradabadi

vatan ke log sataate the jab vatan mein the
vatan ki yaad sataati hai jab vatan mein nahin

Anjum Manpuri

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

Irfan Sattar

gham hai na ab khushi hai na ummid hai na yaas
sab se najaat paae zamaane guzar gae

Khumar Barabankavi

chhat pe aai ho aaj barson baad
dekh kar chaand Dar na jaae kahin

Haider Allahabadi

aisi hi intizaar mein lazzat agar na ho
to do ghaDi firaaq mein apni basar na ho

Riyaz Khairabadi

ek hijrat bhi kam nahin hoti
aankh kis kis ki nam nahin hoti

Aadil Muzaffarpuri

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

Mahirul Qadri

takallum hi faqat hai us sanam kaa
khudaa ki tarah goyaa be-dahaan hai

Imam Bakhsh Nasikh

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

Jurat Qalandar Bakhsh

kyaa jaane shaakh-e-vaqt se kis vaqt gir paDun
maanind-e-barg-e-zard abhi Doltaa huun main

khud hi jaane lage the aur khud hi
raasta rok kar khaDe hue hain

Ammar Iqbal