The world's finest
Shayari & Poetry

na tum hosh mein ho na ham hosh mein hain
chalo mai-kade mein vahin baat hogi

Bashir Badr

main baDaa ho gayaa huun magar bachpanaa
mere dil se kabhi bhi gayaa hi nahin

Divyansh Rawat

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

Irfan Sattar

zarurat Dhal gai rishte mein varna
yahaan koi kisi kaa apnaa kab hai

Ata Abidi

tumhaaraa zikr jab se aa gayaa hai
maza aane lagaa hai guftugu mein

Saleem Amrohvi

sabhi se jab mohabbat chaahte ho
mohabbat kyon nahin karte sabhi se

Saleem Amrohvi

jal gae phir se kuchh hasin rishte
tanziya guftugu ki bhaTTi mein

Malikzada Javed

kam-umri mein sunet hain
mar jaate hain achchhe log

Malikzada Javed

jinhein ye fikr nahin sar rahe rahe na rahe
vo sach hi kahte hain jab bolne pe aate hain

Aabid Adeeb

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

Aabid Adeeb

suraj huun chamakne kaa bhi haq chaahiye mujh ko
main kohr mein lipTaa huun shafaq chaahiye mujh ko

Iqbal Sajid

apni anaa ki aaj bhi taskin ham ne ki
ji bhar ke us ke husn ki tauhin ham ne ki

Iqbal Sajid

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

Sadiq

dekh ai meri zabun-haali pe hansne vaale
vaqt ki dhuup ne kis darja nikhaaraa mujh ko

Arshad Jamal Sarim

mere khvaabon ke jharokon ko sajaate rahiye
na sahi vasl magar yaad to aate rahiye

Jatinder Vir Yakhmi Jayaveer

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

Parveen Shakir

vo chaand hai to aks bhi paani mein aaegaa
kirdaar khud ubhar ke kahaani mein aaegaa

Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

Divyansh Rawat