The world's finest
Shayari & Poetry

aao to mere sahn mein ho jaae raushni
muddat guzar gai hai charaaghaan kiye hue

Ashhad Bilal Ibn

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

Aziz Nabeel

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

Riyaz Khairabadi

jab ki pahlu se yaar uThtaa hai
dard be-ikhtiyaar uThtaa hai

Mir Taqi Mir

jab bhi ki tahrir apni daastaan
teri hi tasvir ho kar rah gai

Krishna Mohan

aqd-e-saani kaa mazaa puchaa to bole shaikh-ji
aise lagtaa hai chikan chakkhaa hai tarkaari ke baad

Sarfaraz Shahid

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

Bekhud Dehlvi

ek muddat se use dekh rahaa huun 'ahmad'
aur lagtaa hai abhi ek jhalak dekhaa hai

Ahmad Rizwan

jo ghair the vo isi baat par hamaare hue
ki ham se dost bahut be-khabar hamaare hue

Ahmad Faraz

suraj huun chamakne kaa bhi haq chaahiye mujh ko
main kohr mein lipTaa huun shafaq chaahiye mujh ko

Iqbal Sajid

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

Shahid Zaki

gham hai na ab khushi hai na ummid hai na yaas
sab se najaat paae zamaane guzar gae

Khumar Barabankavi

vaada-e-vasl gar kisi se nahin
aap kyuun be-qaraar phirte hain

Ashique Akbarabadi

aadhe peD pe sabz parinde aadhaa peD aasebi hai
kaise khule ye raam-kahaani kaun saa hissa meraa hai

Ali Akbar Natiq

safar mein aise kai marhale bhi aate hain
har ek moD pe kuchh log chhuT jaate hain

Aabid Adeeb

dekh ai meri zabun-haali pe hansne vaale
vaqt ki dhuup ne kis darja nikhaaraa mujh ko

Arshad Jamal Sarim

maarka garm to ho lene do khun-rezi kaa
pahle shamshir ke niche hamin jaa baiTheinge

Mir Taqi Mir

main baDaa ho gayaa huun magar bachpanaa
mere dil se kabhi bhi gayaa hi nahin

Divyansh Rawat

sabhi se jab mohabbat chaahte ho
mohabbat kyon nahin karte sabhi se

Saleem Amrohvi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa

Faryad Aazar