shuaa-e-zar na mili rang-e-shaairaana milaa — Hasan Aziz
"shuaa-e-zar na mili rang-e-shaairaana milaa mataa-e-nur se kyaa mujh ko munsifaana milaa main kis se puchhun ki is sail-e-khaak se baahar kise nikalnaa na thaa kis ko raasta na milaa kahin dikhaai na di anjum-e-duaa ki chamak ghane andhere mein ik haath bhi uThaa na milaa bhaTak rahaa huun main is dasht-e-sang mein kab se abhi talak to dar-e-aaina khulaa na milaa jalaae phirtaa rahaa mishal-e-tajassus main magar suraagh kahin khoi shaam kaa na milaa ugaltaa hogaa kabhi sonaa chaandi khitta-e-dil mujhe to ek bhi sikka yahaan paDaa na milaa navaah-e-jaan mein vo tufaan-e-habs thaa ki 'hasan' havaa to kyaa ki kahin havaa na milaa"
شعاع زر نہ ملی رنگ شاعرانہ ملا متاع نور سے کیا مجھ کو منصفانہ ملا میں کس سے پوچھوں کہ اس سیل خاک سے باہر کسے نکلنا نہ تھا کس کو راستہ نہ ملا کہیں دکھائی نہ دی انجم دعا کی چمک گھنے اندھیرے میں اک ہاتھ بھی اٹھا نہ ملا بھٹک رہا ہوں میں اس دشت سنگ میں کب سے ابھی تلک تو در آئینہ کھلا نہ ملا جلائے پھرتا رہا مشعل تجسس میں مگر سراغ کہیں کھوئی شام کا نہ ملا اگلتا ہوگا کبھی سونا چاندی خطۂ دل مجھے تو ایک بھی سکہ یہاں پڑا نہ ملا نواح جاں میں وہ طوفان حبس تھا کہ حسنؔ ہوا تو کیا کہ کہیں ہوا نہ ملا
शुआ-ए-ज़र न मिली रंग-ए-शाइराना मिला मता-ए-नूर से क्या मुझ को मुंसिफ़ाना मिला मैं किस से पूछूँ कि इस सैल-ए-ख़ाक से बाहर किसे निकलना न था किस को रास्ता न मिला कहीं दिखाई न दी अंजुम-ए-दुआ की चमक घने अंधेरे में इक हाथ भी उठा न मिला भटक रहा हूँ मैं इस दश्त-ए-संग में कब से अभी तलक तो दर-ए-आईना खुला न मिला जलाए फिरता रहा मिश्अल-ए-तजस्सुस मैं मगर सुराग़ कहीं खोई शाम का न मिला उगलता होगा कभी सोना चाँदी ख़ित्ता-ए-दिल मुझे तो एक भी सिक्का यहाँ पड़ा न मिला नवाह-ए-जाँ में वो तूफ़ान-ए-हब्स था कि 'हसन' हवा तो क्या कि कहीं हवा न मिला
