Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Hasan Aziz
jo naqsh-e-barg-e-karam Daal Daal hai us kaa
to dasht aag ugaltaa jalaal hai us kaa
dayaar-e-dida-o-dil mein main sochtaa huun use
ki is se aage tasavvur muhaal hai us kaa
· · ·
Hasan Aziz
dekhun vo karti hai ab ke alam-aaraai ki main
haartaa kaun hai is jang mein tanhaai ki main
bhuul baiThaa huun ki aflaak bhi kuchh hote hain
apni vusat mein mili mujh ko vo gahraai ki main
· · ·
Hasan Aziz
ik qissa-e-tavil hai afsaana dasht kaa
aakhir kahin to khatm ho viraana dasht kaa
mujh ko bhi gharq bahr-e-tamaasha mein kar diyaa
ab had se baDhtaa jaataa hai divaana dasht kaa
· · ·
Hasan Aziz
khud par koi tufaan guzar jaane ke Dar se
main band huun kamre mein bikhar jaane ke Dar se
ye log mujhe khuun kaa taajir na samajh lein
main tegh liye phirtaa huun sar jaane ke Dar se
· · ·
Hasan Aziz
shuaa-e-zar na mili rang-e-shaairaana milaa
mataa-e-nur se kyaa mujh ko munsifaana milaa
main kis se puchhun ki is sail-e-khaak se baahar
kise nikalnaa na thaa kis ko raasta na milaa
· · ·
Hasan Aziz
ajiib haal hai sahraa-nashin hain ghar vaale
gharon mein baiTh gae hain idhar-udhar vaale
navaah-e-jism nahin garche regzaar se kam
yahaan bhi khitte kai hain hare shajar vaale
· · ·
Hasan Aziz
kamaan uThaao ki hain saamne nishaane bahut
abhi to khaali paDe hain lahu ke khaane bahut
vo dhuup thi ki hui jaa rahi thi jism ke paar
agarche ham ne ghane saae sar pe taane bahut
· · ·