kabhi jo yaar ko dekhaa to khvaab mein dekhaa — Agha Hajju Sharaf

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

ishq ho jaaegaa meri daastaan-e-ishq se
raat bhar jaagaa karoge is kahaani ke liye

— Agha Hajju Sharaf

likkhaa hai jo taqdir mein hogaa vahi ai dil
sharminda na karnaa mujhe tu dast-e-duaa kaa

— Agha Hajju Sharaf

be-vafaa tum baa-vafaa main dekhiye hotaa hai kyaa
ghaiz mein aane ko tum ho mujh ko pyaar aane ko hai

— Agha Hajju Sharaf

kahaa jo main ne mere dil ki ik tasvir khinchvaa do
mangaa kar rakh diyaa ik shisha chaknaachur pahlu mein

— Agha Hajju Sharaf

shaakh-e-gul jhuum ke gulzaar mein sidhi jo hui
phir gayaa aankh mein naqsha tiri angDaai kaa

— Agha Hajju Sharaf

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli