rustam hai gar jo 'ishq mein bin karr-o-far ke aa — Akhlaq Ahmad Ahan

zo'm-e-tuqaa hijaab-e-tazaahur nifaaq kaa
har jaa raqam hai is mein bhi izn o qum-e-darogh

— Akhlaq Ahmad Ahan

ai jamaal-e-be-badal lekin adaa mein be-rukhi
ho gaiin sadiyaan ki chashm-e-tishna teri muntazir

— Akhlaq Ahmad Ahan

zaat-e-khaaKi ki tahon mein khufta hain anvaa’-e-khaak
rang-haa-e-tah-ba-tah kaa pech-o-kham kuchh aur hai

— Akhlaq Ahmad Ahan

luTaa ye kaarvaan kab kaa na jaane kaun thi manzil
magar ahbaab ab bhi zo'm-e-chughtaai mein jiite hain

— Akhlaq Ahmad Ahan

ye kaisi jagah hai ki dil kho rahaa hai
bayaabaan hai sahraa hai gulshan hai kyaa hai

— Akhlaq Ahmad Ahan

sitaaron ki gardish dilon kaa bichhaDnaa
ye kaise khudaa ki hai kaisi khudaai

— Akhlaq Ahmad Ahan

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani