ye aur baat ki iqraar kar sakein na kabhi — Aleem Akhtar Muzaffarnagri

mujhe aankhein dikhaaegi bhalaa kyaa gardish-e-dauraan
miri nazron ne dekhaa hai tiraa naa-mehrbaan honaa

— Aleem Akhtar Muzaffarnagri

dard kaa phir maza hai jab 'akhtar'
dard khud chaarasaaz ho jaae

— Aleem Akhtar Muzaffarnagri

dard baDh kar davaa na ho jaae
zindagi be-mazaa na ho jaae

— Aleem Akhtar Muzaffarnagri

hamein duniyaa mein apne gham se matlab
zamaane ki khushi se vaastaa kyaa

— Aleem Akhtar Muzaffarnagri

vo ta'alluq hai tire gham se ki allaah allaah
ham ko haasil ho khushi bhi to gavaaraa na karein

— Aleem Akhtar Muzaffarnagri

mujhe to kal bhi na thaa un par ikhtiyaar koi
aur un ko mujh pe vahi ikhtiyaar aaj bhi hai

— Aleem Akhtar Muzaffarnagri

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

— Hamid Mukhtar Hamid

kuchh to majburiyaan rahi hongi
yuun koi bevafaa nahin hotaa

— Bashir Badr

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

— Imam Bakhsh Nasikh

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

apni kashti kaa hai khudaa haafiz
pichhe tufaan hai saamne girdaab

— Meer Mehdi Majrooh