vahm hi vahm mein apni hui auqaat basar — Amanat Lakhnavi

saanvle tan pe qabaa hai jo tire bhaari hai
laala kahtaa hai chaman mein ki ye 'girdhaari' hai

— Amanat Lakhnavi

sarv ko dekh ke kahtaa hai dil-e-basta-e-zulf
ham giraftaar hain is baagh mein aazaad hain sab

— Amanat Lakhnavi

kis tarah 'amaanat' na rahun gham se main dil-gir
aankhon mein phiraa karti hai ustaad ki surat

— Amanat Lakhnavi

bosa aankhon kaa jo maangaa to vo hans kar bole
dekh lo duur se khaane ke ye baadaam nahin

— Amanat Lakhnavi

ji chaahtaa hai saane-e-qudrat pe huun nisaar
but ko biThaa ke saamne yaad-e-khudaa karun

— Amanat Lakhnavi

daaman pe loTne lage gir gir ke tifl-e-ashk
roe firaaq mein to dil apnaa bahal gayaa

— Amanat Lakhnavi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli