par katar paai jab na khvaabon ke — Ameeta Parsuram Meeta

barseingi aaj rahmatein aamad hai yaar ki
naayaab hain ye ghaDiyaan tire intizaar ki

— Ameeta Parsuram Meeta

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

— Ameeta Parsuram Meeta

chaahti thi ki log kam hi milein
so andheron mein hi qayaam kiyaa

— Ameeta Parsuram Meeta

meri saanson ne aaj dastak di
yaad aayaa ki haan main zinda huun

— Ameeta Parsuram Meeta

tumhein ham se mohabbat hai hamein tum se mohabbat hai
anaa kaa daaera phir bhi hamaare darmiyaan kyon hai

— Ameeta Parsuram Meeta

manzil apni DhunD rahe ho
rasta duuje kaa chalte ho

— Ameeta Parsuram Meeta

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem