shama ik mom ke paikar ke sivaa kuchh bhi na thi — Anand Narayan Mulla

ishq mein vo bhi ek vaqt hai jab
be-gunaahi gunaah hai pyaare

— Anand Narayan Mulla

main faqat insaan huun hindu musalmaan kuchh nahin
mere dil ke dard mein tafriq-e-imaan kuchh nahin

— Anand Narayan Mulla

kahne ko lafz do hain ummid aur hasrat
in mein nihaan magar ik duniyaa ki daastaan hai

— Anand Narayan Mulla

us ik nazar ke bazm mein qisse bane hazaar
utnaa samajh sakaa jise jitnaa shuur thaa

— Anand Narayan Mulla

husn ke jalve nahin muhtaaj-e-chashm-e-aarzu
shama jalti hai ijaazat le ke parvaane se kyaa

— Anand Narayan Mulla

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

— Anand Narayan Mulla

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi