akelaa paa ke mujh ko yaad un ki aa to jaati hai — Anwar Mirzapuri

ai kaash hamaari qismat mein aisi bhi koi shaam aa jaae
ik chaand falak par niklaa ho ik chaand sar-e-baam aa jaae

— Anwar Mirzapuri

mire ashk bhi hain is mein ye sharaab ubal na jaae
miraa jaam chhune vaale tiraa haath jal na jaae

— Anwar Mirzapuri

mujhe phunkne se pahle miraa dil nikaal lenaa
ye kisi ki hai amaanat mire saath jal na jaae

— Anwar Mirzapuri

abhi raat kuchh hai baaqi na uThaa naqaab saaqi
tiraa rind girte girte kahin phir sambhal na jaae

— Anwar Mirzapuri

main nazar se pi rahaa huun ye samaan badal na jaae
na jhukaao tum nigaahein kahin raat Dhal na jaae

— Anwar Mirzapuri

main khush huun agar gulshan ke liye kuchh meraa lahu kaam aa jaae
lekin mujh ko Dar hai is kaa gulchin pe na ilzaam aa jaae

— Anwar Mirzapuri

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

dasht ki naa-tamaam raahon par
koi saathi hai to shajar tanhaa

— Vijay Sharma

jab bhi vo mujh se milaa rone lagaa
aur jab tanhaa huaa rone lagaa

— Zafar Hameedi

aao tum hi karo masihaai
ab bahalti nahin hai tanhaai

— Muneer Niyazi

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir