ik lafz bhi na lab se kahaa aur ro diye — Arshi Malik

sab ke sab mil kar bhi mujh ko zer kar sakte na the
meraa apnaa haath shaamil hai miri paspaai mein

— Arshi Malik

tu chhuDaa kar haath ik din daf'atan kho jaaegaa
aur meri jeb mein teraa pata rah jaaegaa

— Arshi Malik

kuud kar divaar 'arshi' gham gharon mein aa base
anginat taa'viz darvaazon pe laTke rah gae

— Arshi Malik

kisi ke lahje ki yakh-bastagi qayaamat thi
ThiThur ke rah gayaa lab par savaal kaa mausam

— Arshi Malik

ik 'umr se ulfat ke kaTahre mein khaDaa hai
bhugtaae hain is dil ne muqadmaat musalsal

— Arshi Malik

lab-e-khaamosh mein hi jaa-e-amaan aaj bhi hai
varna kahne ko to har munh mein zabaan aaj bhi hai

— Arshi Malik

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

na luTtaa din ko to kab raat ko yuun be-khabar sotaa
rahaa khaTkaa na chori kaa duaa detaa huun rahzan ko

— Mirza Ghalib

main ne din raat khudaa se ye duaa maangi thi
koi aahaT na ho dar par mire jab tu aae

— Bashir Badr