himmat kaa zaahidon ki saraasar qusur thaa — Asad Ali Khan Qalaq

ai be-khudi-e-dil mujhe ye bhi khabar nahin
kis din bahaar aai main divaana kab huaa

— Asad Ali Khan Qalaq

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

— Asad Ali Khan Qalaq

sindur us ki maang mein detaa hai yuun bahaar
jaise dhanak nikalti hai abr-e-siyaah mein

— Asad Ali Khan Qalaq

phir mujh se is tarah ki na kijegaa dil-lagi
khair is ghaDi to aap kaa main kar gayaa lihaaz

— Asad Ali Khan Qalaq

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

— Asad Ali Khan Qalaq

yuun ruuh thi adam mein miri bahr-e-tan udaas
ghurbat mein jis tarah ho gharib-ul-vatan udaas

— Asad Ali Khan Qalaq

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

shaaeri talab apni shaaeri ataa us ki
hausle se kam maangaa zarf se sivaa paayaa

— Abdul Ahad Saaz

buraa mat maan itnaa hausla achchhaa nahin lagtaa
ye uThte baiThte zikr-e-vafaa achchhaa nahin lagtaa

— Aashufta Changezi

ai jazba-e-dil gar main chaahun har chiiz muqaabil aa jaae
manzil ke liye do gaam chalun aur saamne manzil aa jaae

— Behzad Lakhnavi

maut ke baa'd ziist ki bahs mein mubtalaa the log
ham to 'sahar' guzar gae tohmat-e-zindagi uThaae

— Sahar Ansari

himmat-e-tark-e-vafaa Duub gai
kis ne aankhon mein utaaraa dariyaa

— Abdul Mannan Tarzi