ham ishq ke bande hain mazhab se nahin vaaqif — Asifud Daula

is adaa se mujhe salaam kiyaa
ek hi aan mein ghulaam kiyaa

— Asifud Daula

milte hi nazar dil ko milaayaa nahin jaataa
aaghaaz ko anjaam banaayaa nahin jaataa

— Asifud Daula

yaa Dar mujhe teraa hai ki main kuchh nahin kahtaa
yaa hausla meraa hai ki main kuchh nahin kahtaa

— Asifud Daula

ye na aane ke bahaane hain sabhi varna miyaan
itnaa to ghar se mire kuchh nahin ghar duur tiraa

— Asifud Daula

faaeda kyaa hai nasihat se phire ho naaseh
ham samajhne ke nahin laakh tu samjhaae hamein

— Asifud Daula

phabaa hai rukh pe tire khush-numaa sanam lekin
hamesha gul pe ye shabnam rahe rahe na rahe

— Asifud Daula

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi