safar ho shaah kaa yaa qaafila faqiron kaa — Atul Ajnabi

kisi darakht se sikho saliqa jiine kaa
jo dhuup chhaanv se rishta banaae rahtaa hai

— Atul Ajnabi

ajab khulus ajab saadgi se kartaa hai
darakht neki baDi khaamushi se kartaa hai

— Atul Ajnabi

patton ko chhoD detaa hai aksar khizaan ke vaqt
khud-gharzi hi kuchh aisi yahaan har shajar mein hai

— Atul Ajnabi

jab ghazal 'mir' ki paDhtaa hai paDosi meraa
ik nami si miri divaar mein aa jaati hai

— Atul Ajnabi

ye rahbar aaj bhi kitne puraane lagte hain
ki peD duur se rasta dikhaane lagte hain

— Atul Ajnabi

ajnabi tum kabhi na paaoge
martaba jo ghazal mein 'mir' kaa hai

— Atul Ajnabi

murshid na chhoD ham ko hamaare nasib par
zarkhez khetiyon ko bhi dahqaan chaahiye

— Mahmood Ahmad Hashmi

aadmi ban ke miraa aadamiyon mein rahnaa
ek alag vaza hai darveshi o sultaani se

— Anwar Shuoor

faqiron ke gharon mein lutf ki raatein bhi aati hain
ziyaarat ke liye aksar musammaatein bhi aati hain

— Akbar Allahabadi

musallaa rakhte hain sahbaa-o-jaam rakhte hain
faqir sab ke liye intizaam rakhte hain

— Wali Aasi

tere haathon mile agar murshid
chaae piinaa savaab lagtaa hai

— Amjad Khan Tajwana

shaikh mujh ko na Daraa apni musalmaani thaam
ham faqiron kaa kisi rang se imaan na jaae

— Qasim Ali Khan Afridi