jab tak kisi kaa naqsh-e-kaf-e-paa hamein milaa — Azizunnisa Naz

jab dil kaa dard manzil-e-shab se nikal gayaa
mahsus ye huaa koi tufaan Tal gayaa

— Azizunnisa Naz

ashkon ne raaz dil kaa kiyaa jab kabhi ayaan
kitni hui hai mujh ko nadaamat na puchhiye

— Azizunnisa Naz

kitne lage hain zakhm jigar par kise khabar
Dhaai hai kis ne kitni qayaamat na puchhiye

— Azizunnisa Naz

ranj-o-alam ki koi haqiqat na puchhiye
kitni hai mere dard ki azmat na puchhiye

— Azizunnisa Naz

ab to hai sirf aamad-e-fasl-e-bahaar yaad
dil ek phuul thaa jo sar-e-shaakh jal gayaa

— Azizunnisa Naz

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir