ab ki jo raah-e-mohabbat mein uThaai taklif — Bahadur Shah Zafar

kitnaa hai bad-nasib 'zafar' dafn ke liye
do gaz zamin bhi na mili ku-e-yaar mein

— Bahadur Shah Zafar

dekh dil ko mire o kaafir-e-be-pir na toD
ghar hai allaah kaa ye is ki to taamir na toD

— Bahadur Shah Zafar

kyaa taab kyaa majaal hamaari ki bosa lein
lab ko tumhaare lab se milaa kar kahe baghair

— Bahadur Shah Zafar

khvaab meraa hai ain bedaari
main to us mein bhi dekhtaa kuchh huun

— Bahadur Shah Zafar

ye qissa vo nahin tum jis ko qissa-khvaan se suno
mire fasaana-e-gham ko miri zabaan se suno

— Bahadur Shah Zafar

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

— Bahadur Shah Zafar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi