hamaari zindagi to mukhtasar si ik kahaani thi — Bedam Shah Warsi

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

— Bedam Shah Warsi

apnaa to ye mazhab hai kaaba ho ki but-khaana
jis jaa tumhein dekheinge ham sar ko jhukaa deinge

— Bedam Shah Warsi

vo qulqul-e-minaa mein charche miri tauba ke
aur shisha-o-saaghar ki mai-khaane mein sargoshi

— Bedam Shah Warsi

mujhe shikva nahin barbaad rakh barbaad rahne de
magar allaah mere dil mein apni yaad rahne de

— Bedam Shah Warsi

jis pe martaa huun use dekh to luun ji bhar ke
itni jaldi tu mire qatl mein jallaad na kar

— Bedam Shah Warsi

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae

— Bedam Shah Warsi

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz