gayaa bachpan shabaab aayaa buDhaapaa aane vaalaa hai — Boom Merathi

dushman ki chaaplusi se kuchh faaeda nahin
saale ko bevaquf banaae hue to huun

— Boom Merathi

na puchho tum ko aur dushman ko dil mein kyaa samajhtaa huun
use ullu tumhein ullu kaa main paTThaa samajhtaa huun

— Boom Merathi

le ke us shokh ko aaraam se chhat par soyaa
ghair ko Daal diyaa baandh ke shahtir ke saath

— Boom Merathi

shama kuchh phukne ke vaaste ghar par nahin jaati
fidaa ullu kaa paTThaa aa ke khud parvaana hotaa hai

— Boom Merathi

un se chhinke se koi chiiz utarvaai hai
kaam kaa kaam hai angDaai ki angDaai hai

— Boom Merathi

buum saahab kaa ajab rang niraalaa dekhaa
yaar yaaron mein hai aghyaar hai aghyaaron mein

— Boom Merathi

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ji DhunDtaa hai phir vahi fursat ki raat din
baiThe rahein tasavvur-e-jaanaan kiye hue

— Mirza Ghalib

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz