tumhi ne raah mein ik ghar basaa liyaa varna — Farhan Hanif Warsi

dilon ke mel se aage labon ke silsile saare
jo lab khaamosh hote hain to aankhein baat karti hain

— Farhan Hanif Warsi

jis ki khaatir sabhi rishton se huaa thaa munkir
ab sunaa hai ki vahi shakhs khafaa hai mujh se

— Farhan Hanif Warsi

us kaa andaaz ruuTh jaane kaa
hai bahaana qarib aane kaa

— Farhan Hanif Warsi

vo ek moD jahaan vo kabhi milaa thaa mujhe
us ek moD par us ko judaa bhi honaa thaa

— Farhan Hanif Warsi

aur kyaa deinge ham tujhe jaanaan
zindagi tere naam karte hain

— Farhan Hanif Warsi

parinde so gae jaa ke gharon mein
shajar jangal mein phir kyuun jaagtaa hai

— Farhan Hanif Warsi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani