har shakhs ko fareb-e-nazar ne kiyaa shikaar — Farrukh Zohra Gilani

abhi talak hai sadaa paaniyon pe Thahri hui
agarche Duub chukaa hai pukaarne vaalaa

— Farrukh Zohra Gilani

dayaar-e-fikr-o-hunar ko nikhaarne vaalaa
kahaan gayaa miri duniyaa sanvaarne vaalaa

— Farrukh Zohra Gilani

tum to khud sahraa ki surat bikhre bikhre lagte ho
'farrukh' se 'farrukh' ko socho kaise tum milvaaoge

— Farrukh Zohra Gilani

mire jazbe miri shahaadat hain
bahte aansu shahid karti huun

— Farrukh Zohra Gilani

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

yaar main itnaa bhukaa huun
dhokaa bhi khaa letaa huun

— Aks Samastipuri

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

kuchh to majburiyaan rahi hongi
yuun koi bevafaa nahin hotaa

— Bashir Badr

har ik surat pe dhokaa khaa rahi hain teri surat kaa
abhi aataa nahin nazron ko taa-hadd-e-nazar jaanaa

— Anand Narayan Mulla