aane vaali naslein tum par fakhr kareingi ham-asro — Firaq Gorakhpuri

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

— Firaq Gorakhpuri

kam se kam maut se aisi mujhe ummid nahin
zindagi tu ne to dhoke pe diyaa hai dhoka

— Firaq Gorakhpuri

bahut dinon mein mohabbat ko ye huaa maalum
jo tere hijr mein guzri vo raat raat hui

— Firaq Gorakhpuri

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

— Firaq Gorakhpuri

jo uljhi thi kabhi aadam ke haathon
vo gutthi aaj tak suljhaa rahaa huun

— Firaq Gorakhpuri

chhuT ke ghar aa gae asiir tire
lekin ab in ko kaun pahchaane

— Firaq Gorakhpuri

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah

firaaq-e-khuld se gandum hai sina-chaak ab tak
ilaahi ho na vatan se koi gharib judaa

— Mohammad Rafi Sauda

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

— Raghvendra Dwivedi

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi