tiraa mariz huun main doctor kaa ghar na bataa — Haji Laq Laq

ban ke leader so rahe to zindagi kis kaam ki
amn qaaem ho gayaa to leaderi kis kaam ki

— Haji Laq Laq

jhaDti hain un ke munh se jo manzum gaaliyaan
sun sun ke vaah vaah kiye jaa rahaa huun main

— Haji Laq Laq

saamne aghyaar ke be-parda aur mujh se hijaab
gulgulon se hai use parhez aur guD khaae hai

— Haji Laq Laq

naam ke saath ek do alfaaz ki dum chaahiye
sher phikaa hi sahi lekin tarannum chaahiye

— Haji Laq Laq

ab bhi vo kah rahe hain ki mere buzurg ho
kuchh bhi huaa na shave karaane se faaeda

— Haji Laq Laq

shaairon mein ab kahaan achchhe bure kaa imtiyaaz
loud-speaker ne sab kaa bol-baalaa kar diyaa

— Haji Laq Laq

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif