duniyaa bas is se aur ziyaada nahin hai kuchh — Hakim Mohammad Ajmal Khan Shaida

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

— Hakim Mohammad Ajmal Khan Shaida

dard ko rahne bhi de dil mein davaa ho jaaegi
maut aaegi to ai hamdam shifaa ho jaaegi

— Hakim Mohammad Ajmal Khan Shaida

rukhsaar par hai rang-e-hayaa kaa farogh aaj
bose kaa naam main ne liyaa vo nikhar gae

— Hakim Mohammad Ajmal Khan Shaida

vo sar hi kyaa ki jis mein tumhaaraa na ho khayaal
vo dil hi kyaa ki jis mein tumhaaraa guzar na ho

— Hakim Mohammad Ajmal Khan Shaida

mai na ho bu hi sahi kuchh to ho rindon ke liye
isi hiile se bujhegi havas-e-jaam-e-sharaab

— Hakim Mohammad Ajmal Khan Shaida

bhalaa tu aur ghar aae mire kyun-kar yaqin kar luun
takhayyul kyuun na ho meraa tiri aavaaz-e-paa kyuun ho

— Hakim Mohammad Ajmal Khan Shaida

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

yaad rakhnaa bhi ik ibaadat hai
kyuun na ham un kaa haafiza ho jaaein

— Ashhad Bilal Ibn

us ko bhi yaad karne ki fursat na thi mujhe
masruf thaa main kuchh bhi na karne ke baavajud

— Zafar Iqbal