vo mujh ko bhuul chukaa ab yaqin hai varna — Iffat Zarrin

agar vo chaand ki basti kaa rahne vaalaa thaa
to apne saath sitaaron kaa qaafila rakhtaa

— Iffat Zarrin

zehn o dil ke faasle the ham jinhein sahte rahe
ek hi ghar mein bahut se ajnabi rahte rahe

— Iffat Zarrin

patthar ke jism mom ke chehre dhuaan dhuaan
kis shahr mein uDaa ke havaa le gai mujhe

— Iffat Zarrin

vo mil gayaa to bichhaDnaa paDegaa phir 'zarrin'
isi khayaal se ham raaste badalte rahe

— Iffat Zarrin

dekh kar insaan ki bechaargi
shaam se pahle parinde so gae

— Iffat Zarrin

kaun pahchaanegaa 'zarrin' mujh ko itni bhiiD mein
mere chehre se vo apni har nishaani le gayaa

— Iffat Zarrin

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

— Sadiq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

insaan ki niyyat kaa bharosa nahin koi
milte ho to is baat ko imkaan mein rakhnaa

— Anjum Khaleeq

koshish bhi kar umiid bhi rakh raasta bhi chun
phir is ke baa'd thoDaa muqaddar talaash kar

— Nida Fazli

idhar to tuul diyaa hai umiid ko us ne
udhar hayaat ataa ki hai mukhtasar mujh ko

— Kaifi Chirayyakoti