lauTnaa chaahiye zindagi ki taraf — Imran Shamshad Narmi

schōl khuun chusne vaali machine hain
bhejo gulaab-gun to palaTtaa hai zard-faam

— Imran Shamshad Narmi

pahli cigarette pahlaa khvaab aur pahlaa ishq
in tinon mein ek bhi mujh ko yaad nahin

— Imran Shamshad Narmi

achchhaa achchhaa ho jaaegaa sab kuchh achchhaa
achchhaa achchhaa sab kuchh achchhaa ho jaaegaa

— Imran Shamshad Narmi

raat ke vaqt ubhartaa hai junun kaa suraj
din nikalte hi kisi chaand mein Dhal jaataa hai

— Imran Shamshad Narmi

ek baar phir salaam duur jaane vaalon ko
duur jaane vaalon ko ek baar phir salaam

— Imran Shamshad Narmi

ye khachaa-khach bhari hui vahshat
be-bason ko bason se khauf aaya

— Imran Shamshad Narmi

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim