tu ne kyaa dekhaa nahin gul kaa pareshaan ahvaal — Ishq Aurangabadi

us ki aankhon ke agar vasf raqam kijiyegaa
shaakh-e-nargis ko qalam kar ke qalam kijiyegaa

— Ishq Aurangabadi

gar shaikh ne aah ki to mat bhuul
dil mein patthar ke bhi sharar hai

— Ishq Aurangabadi

'ishq' raushan thaa vahaan dida-e-aahu se charaagh
main jo yak raat gayaa qais ke kaashaane mein

— Ishq Aurangabadi

aaina kabhi qaabil-e-didaar na hove
gar khaak ke saath us ko sarokaar na hove

— Ishq Aurangabadi

ye but hirs-o-havaa ke dil ke jab kaaba mein toDungaa
tumhaari subha mein kab shaikh-ji zunnaar chhoDungaa

— Ishq Aurangabadi

ho gul bulbul tabhi bulbul pe bulbul phuul kar gul ho
tire gar gul-badan bar mein qabaa-e-chashm-e-bulbul ho

— Ishq Aurangabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz