kyaa dil ki pyaas thi ki bujhaai na jaa saki — Kausar Siwani

jo toD doge mujhe tum bhi TuuT jaaoge
ki irtibaat-e-salaasil ki ik kaDi huun main

— Kausar Siwani

hamein jo fikr ki daavat na de sake 'kausar'
vo sher sher to hai ruh-e-shaaeri to nahin

— Kausar Siwani

samundar ki tarah vusat ho jis mein
vo qatra bahr hai qatra nahin hai

— Kausar Siwani

zindagi kuchh to bharam rakh le vafaadaari kaa
tujh ko mar mar ke shab-o-roz sanvaaraa hai bahut

— Kausar Siwani

main to qaabil na thaa un ke didaar ke
un ki chaukhaT pe meri khataa le gai

— Kausar Siwani

harifon ki taraf-daari se apnaa-pan kaa dam TuuTaa
baDhi kuchh aur jab duuri to qurbat kaa bharam TuuTaa

— Kausar Siwani

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal