lagtaa hai zinda rahne ki hasrat gai nahin — Khalid Iqbal Yasir

inhein dar-e-khvaab-gaah se kis liye haTaayaa
muhaafizon ki vafaa-shiaari mein kyaa kami thi

— Khalid Iqbal Yasir

rahti hai saath saath koi khush-gavaar yaad
tujh se bichhaD ke teri rifaaqat gai nahin

— Khalid Iqbal Yasir

bhuul jaanaa thaa jise sabt hai dil par mere
yaad rakhnaa thaa jise us ko bhulaa baiThaa huun

— Khalid Iqbal Yasir

haan ye mumkin hai magar itnaa zaruri bhi nahin
jo koi pyaar mein haaraa vahi fankaar huaa

— Khalid Iqbal Yasir

jaisi nigaah thi tiri vaisaa fusun huaa
jo kuchh tire khayaal mein thaa jun-kaa-tun huaa

— Khalid Iqbal Yasir

zamaane ke darbaar mein dast-basta huaa hai
ye dil us pe maail magar rafta rafta huaa hai

— Khalid Iqbal Yasir

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir