ziist aur maut kaa aakhir ye fasaana kyaa hai — Khalida Uzma

ki mire baa'd qatl se tauba
aakhiri tiir thaa kamaan mein kyaa

— Khalida Uzma

idhar udhar ke sunaae hazaar afsaane
dilon ki baat sunaane kaa hausla na huaa

— Khalida Uzma

chale aate hain be-mausam ki baarish ki tarah aansu
basaa-auqaat rone kaa sabab kuchh bhi nahin hotaa

— Khalida Uzma

basi hai sukhe gulaabon ki baat saanson mein
koi khayaal kisi yaad ke hisaar mein hai

— Khalida Uzma

haqiqatein to aTal hain badal nahin saktin
magar kisi ki tasalli se hausla huaa hai

— Khalida Uzma

vo tapish hai ki jal uThe saae
dhuup rakkhi thi saaebaan mein kyaa

— Khalida Uzma

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz