koi halchal hai na aahaT na sadaa hai koi — Khurshid Ahmad Jami

baDe dilchasp vaade the baDe rangin dhoke the
gulon ki aarzu mein zindagi shole uThaa laai

— Khurshid Ahmad Jami

pahchaan bhi saki na miri zindagi mujhe
itni ravaa-ravi mein kahin saamnaa huaa

— Khurshid Ahmad Jami

zindagaani ke hasin shahr mein aa kar 'jaami'
zindagaani se kahin haath milaae bhi nahin

— Khurshid Ahmad Jami

sahar ke saath chale raushni ke saath chale
tamaam umr kisi ajnabi ke saath chale

— Khurshid Ahmad Jami

yaad-e-maazi ki pur-asraar hasin galiyon mein
mere hamraah abhi ghuum rahaa hai koi

— Khurshid Ahmad Jami

chamakte khvaab milte hain mahakte pyaar milte hain
tumhaare shahr mein kitne hasin aazaar milte hain

— Khurshid Ahmad Jami

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi