har tamannaa dil se rukhsat ho gai — Khwaja Aziz

jism be-his be-shikan bistar rahaa
main nae andaaz se muztar rahaa

— Khwaja Aziz

jo main din-raat yuun gardan jhukaae baiThaa rahtaa huun
tiri tasvir si dil mein khinchi maa'lum hoti hai

— Khwaja Aziz

adaa se dekh lete hain main jab jaane ko kahtaa huun
phir us par kahte hain ham kab tumhein majbur karte hain

— Khwaja Aziz

tasavvur mein vo baar baar aa rahe hain
jhalak apni parde se dikhlaa rahe hain

— Khwaja Aziz

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

— Zehra Nigaah

aao tum hi karo masihaai
ab bahalti nahin hai tanhaai

— Muneer Niyazi

dasht ki naa-tamaam raahon par
koi saathi hai to shajar tanhaa

— Vijay Sharma

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

— Shahzad Ahmad

main akelaa huun tu bhi tanhaa hai
ham bhi kitne hain be-sahaare dekh

— Sabir Adeeb