raae kyaa qaaem kareinge ajnabi us shahr mein — Mahmood Ahmad Hashmi

zulm bhi sharmaa rahaa hai adl ki mizaan se
kuud jaanaa chaahiye minaar-e-paakistaan se

— Mahmood Ahmad Hashmi

aisaa kahaan ye zaaiqa gandum ke paas hai
roTi mein maan ke haath ki shaamil miThaas hai

— Mahmood Ahmad Hashmi

miri vafaa mein kami hai to mujh se baat kare
use kaho ki vo aae muzaakaraat kare

— Mahmood Ahmad Hashmi

pahle soyaa kartaa thaa 'mahmud' lambi taan kar
phir shuur aataa gayaa aur ratjage baDhte gae

— Mahmood Ahmad Hashmi

'mahmud' tum to logon ke ho kar hi rah gae
apne liye bhi vaqt nikaalaa karo kabhi

— Mahmood Ahmad Hashmi

miri tarah se shajar bhi hain baaghiyaana mizaaj
jahaan se kaaTe gae the vahin se ug aae

— Mahmood Ahmad Hashmi