balaaein le rahaa huun is zamin ke zarre zarre ki — Mahshar Lakhnavi

mast hain nashsha-e-javaani se
kyaa khabar aap ko kisi dil ki

— Mahshar Lakhnavi

baDhtaa jaataa hai tul-e-gesu-e-yaar
ghaTti jaati hai zindagi dil ki

— Mahshar Lakhnavi

shikva-e-hijr-e-yaar kaun kare
husn ko sharmsaar kaun kare

— Mahshar Lakhnavi

de ke saaghar mujhe kis lutf se saaqi ne kahaa
dekhte jaao abhi ham tumhein kyaa dete hain

— Mahshar Lakhnavi

saadgi ki intihaa kar di javaanaan chaman
umr bhar rang mizaaj baaghbaan dekhaa kiye

— Mahshar Lakhnavi

vufur-e-shauq mein ik ik qadam meraa qayaamat thaa
khudaa maalum kyun-kar jalva-zaar-e-husn tak pahunchaa

— Mahshar Lakhnavi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb