mire fusun ne dikhaai hai tere rukh ki sahar — Maikash Akbarabadi

tiri zulfon ko kyaa suljhaaun ai dost
miri raahon mein pech-o-kham bahut hain

— Maikash Akbarabadi

kuchh is tarah tiri ulfat mein kaaT di main ne
gunaahgaar huaa aur na paak-baaz rahaa

— Maikash Akbarabadi

pahunch hi jaaegaa ye haath teri zulfon tak
yunhi junun kaa agar silsila daraaz rahaa

— Maikash Akbarabadi

zabaan pe naam-e-mohabbat bhi jurm thaa yaani
ham un se jurm-e-mohabbat bhi bakhshvaa na sake

— Maikash Akbarabadi

ye maslak apnaa apnaa hai ye fitrat apni apni hai
jalaao aashiyaan tum ham kareinge aashiyaan paidaa

— Maikash Akbarabadi

aap ki meri kahaani ek hai
kahiye ab main kyaa sunaaun kyaa sunun

— Maikash Akbarabadi

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

sahar se shaam tak chalti rahi hai chaae par chaae
na ye be-kaar baiThe hain na vo be-kaar baiThe hain

— Mohammad Taha Khan