behtar hai ki ab khud se judaa ho ke bhi dekhein — Mashkoor Husain Yaad

khush na ho aansuon ki baarish par
barq hai chashm-e-tar ke pahlu mein

— Mashkoor Husain Yaad

naqaab uThaao to har shai ko paaoge saalim
ye kaaenaat ba-taur-e-hijaab TuTti hai

— Mashkoor Husain Yaad

aalaa mein to adnaa ke havaale hi havaale
adnaa hi mein aalaa kaa havaala nahin miltaa

— Mashkoor Husain Yaad

in ashkon kaa dil se kyaa taalluq
ye shoale jigar se aa rahe hain

— Mashkoor Husain Yaad

hamaare aasmaan kaa har sitaara sab pe raushan hai
kisi zakhm-e-mohabbat ko nihaan ham ne nahin rakkhaa

— Mashkoor Husain Yaad

aansu aansu jis ne dariyaa paar kiye
qatra qatra aab mein uljhaa baiThaa hai

— Mashkoor Husain Yaad

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim