ye Dar hai qaafile vaalo kahin na gum kar de — Mohammad Deen Taseer

vo mile to be-takalluf na mile to be-iraada
na tariq-e-aashnaai na rusum-e-jaam-o-baadaa

— Mohammad Deen Taseer

daavar-e-hashr miraa naama-e-aamaal na dekh
is mein kuchh parda-nashinon ke bhi naam aate hain

— Mohammad Deen Taseer

jis tarah ham ne raatein kaaTi hain
us tarah ham ne din guzaare hain

— Mohammad Deen Taseer

meri vafaaein yaad karoge
rooge fariyaad karoge

— Mohammad Deen Taseer

hamein bhi dekh ki ham aarzu ke sahraa mein
khile hue hain kisi zakhm-e-aarzu ki tarah

— Mohammad Deen Taseer

rabt hai husn o ishq mein baaham
ek dariyaa ke do kinaare hain

— Mohammad Deen Taseer

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

nayaa saal divaar par Taang de
puraane baras kaa calendar giraa

— Mohammad Alvi

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

— Shakeel Badayuni

yaan ziist kaa khatra nahin haan khinchiye talvaar
vo ghair thaa jo dekh ke samsaam Dare thaa

— Jurat Qalandar Bakhsh

tu kaun hai ai vaaiz jo mujh ko Daraataa hai
main ki bhi hain to ki hain allaah ki taqsirein

— Taban Abdul Hai