sahar se shaam tak chalti rahi hai chaae par chaae — Mohammad Taha Khan

haae qismat january maangi to july mili
haal kaa taalib huaa maazi tamannaai mili

— Mohammad Taha Khan

vahi hai ikhtilaaf-e-baahami ki anjuman ab to
faqat shaadi ke din us ne milaai haan mein haan meri

— Mohammad Taha Khan

daur-e-jamhuri mein bangladesh jaanaa thaa tujhe
aksariyyat chhoD kar zaalim idhar paidaa huaa

— Mohammad Taha Khan

is dafa bachcha samajh kar chhoDe detaa huun tujhe
maar Daalungaa agar baar-e-digar paidaa huaa

— Mohammad Taha Khan

jaan-e-izraail ab nakhron kaa tere gham karun
yaa main tujh par sura-e-yaasin paDh kar dam karun

— Mohammad Taha Khan

sabab is kaa jo puchhaa doctor-saahab ne farmaayaa
bahut aage gae baaqi jo hain tayyaar baiThe hain

— Mohammad Taha Khan

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

subh tak be-talab main jaagungaa
aaj to be-sabab main jaagungaa

— Zubair Qaisar