isi umiid pe jalti hain dasht dasht aanhkein — Musavvir Sabzwari

rishton kaa bojh Dhonaa dil dil mein kuDhte rahnaa
ham ek dusre par ehsaan ho gae hain

— Musavvir Sabzwari

hamaare biich mein ik aur shakhs honaa thaa
jo laD paDe to koi bhi nahin manaane kaa

— Musavvir Sabzwari

jaate mausam ki tarah us se kabhi mil na sakaa
ek lamhe ke ta'alluq ki sazaa huun main to

— Musavvir Sabzwari

koi mahkaar hai khushbu ki na rangon ki lakir
ek sahraa huun kahin se bhi guzar jaa mujh mein

— Musavvir Sabzwari

kanaar-e-aab havaa jab bhi sansanaati hai
nadi mein chupke se ik chikh Duub jaati hai

— Musavvir Sabzwari

khatm hone de mire saath hi apnaa bhi vajud
tu bhi ik naqsh kharaabe kaa hai mar jaa mujh mein

— Musavvir Sabzwari

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar