ham talkhi-e-hayaat ko aasaan na kar sake — Muzaffar Ahmad Muzaffar

hazaaron baar sinchaa hai ise khun-e-rag-e-jaan se
taajjub hai mire gulshan ki viraani nahin jaati

— Muzaffar Ahmad Muzaffar

main jab bhuke parinde dekhtaa huun apne aangan mein
mujhe apne vatan ke nange bachche yaad aate hain

— Muzaffar Ahmad Muzaffar

musalmaan thaa magar teri adaa-e-fitna-parvar ne
dikhaa kar kaakul-e-pechaan mujhe kaafir banaa Daalaa

— Muzaffar Ahmad Muzaffar

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam