di hai 'nayyar' mujh ko saaqi ne ye kaisi khaas mai — Nayyar Sultanpuri

pahunchaa na thaa yaqin ki manzil pe main abhi
meraa khayaal mujh se bhi aage nikal gayaa

— Nayyar Sultanpuri

siine pe kitne daagh liye phir rahaa huun main
zakhmon kaa ek baagh liye phir rahaa huun main

— Nayyar Sultanpuri

baDhne lagi yaqin o gumaan mein jo kashmakash
vaada bhi subh o shaam pe Taltaa chalaa gayaa

— Nayyar Sultanpuri

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

zindagi zor hai ravaani kaa
kyaa thamegaa bahaav paani kaa

— Abdul Hamid Adam

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi