aane vaali ruto sabz rakhnaa qabaa — Nazia Nazi

guzartaa jaa rahaa hai vaqt juun juun
rag-e-jaan mein utarte jaa rahe ho

— Nazia Nazi

use kaho ki natija koi na niklegaa
use kaho ki mohabbat kaa imtihaan na le

— Nazia Nazi

nazar-andaaz karnaa to bahut aasaan hai lekin
nazar-andaaz hone se bahut taklif hoti hai

— Nazia Nazi

un ko mahsus kyon nahin hotaa
dil taDaptaa hai itni shiddat se

— Nazia Nazi

pahle apne the ab paraae hain
lafz naaraaz ho gae mujh se

— Nazia Nazi

jaise hiire ki kaan hoti hai
vaise alfaaz kaan ke gauhar

— Nazia Nazi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal