nihaayat bhale tajriba-kaar ahl-e-vafaa chun liye hain — Nivesh Sahu

ye gila hai ki haartaa bhi nahin
biich mein khel chhoD detaa huun

— Nivesh Sahu

kyaa hai ki ham us ko kabhi puure nahin paDte
ham hi nahin kar paate hain bharpaai hamaari

— Nivesh Sahu

zinda rahaa to kaun saa zinda rahungaa main
mar bhi gayaa to kaun saa main mar hi jaaungaa

— Nivesh Sahu

tum ko afsos tumhein Thiik banaayaa na gayaa
aur ik ham ki abhi chaak pe rakkhe na gae

— Nivesh Sahu

rone lage to kaun hamein chup karaaegaa
so is ki ehtiyaat hai ham ro nahin rahe

— Nivesh Sahu

agar hotaa to khud ko phir banaataa
magar afsos kuza-gar nahin huun

— Nivesh Sahu

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid