ye sehn-e-gulistaan nahin maqtal hai rafiqo! — Owais Ahmad Dauran

bahti nahin hai mard ki aaankhon se ju-e-ashk
lekin hamein bataao ki ham kis liye hansein

— Owais Ahmad Dauran

un makaanon mein bhi insaan hi rahte honge
raunaqein jin mein nahin aap ki mahfil ki si

— Owais Ahmad Dauran

paivand ki tarah nazar aataa hai bad-numaa
pukhta makaan kachche gharon ke hujum mein

— Owais Ahmad Dauran

shaayad kisi ki yaad kaa mausam phir aa gayaa
pahlu mein dil ki tarah dhaDakne lagi hai shaam

— Owais Ahmad Dauran

kuchh dard ke maare hain kuchh naaz ke hain paale
kuchh log hain ham jaise kuchh log hain tum jaise

— Owais Ahmad Dauran

sab mastiyon mein pheinko na patthar idhar udhar
divaano! is dayaar mein shishe ke ghar bhi hain

— Owais Ahmad Dauran

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz