guzraa hai kaun phuul khilaataa khiraam se — Parvez Shahidi

ye taaj ke saae mein zar-o-sim ke khirman
kyuun aatish-e-kashkol-e-gadaa se nahin Darte

— Parvez Shahidi

miri zindagi ki zinat hui aafat-o-balaa se
main vo zulf-e-kham-ba-kham huun jo sanvar gai havaa se

— Parvez Shahidi

na jaane kah gae kyaa aap muskuraane mein
hai dil ko naaz ki jaan aa gai fasaane mein

— Parvez Shahidi

giit hariyaali ke gaaeinge sisakte hue khet
mehnat ab ghaarat-e-jaagir tak aa pahunchi hai

— Parvez Shahidi

abhi se subh-e-gulshan raqs-farmaa hai nigaahon mein
abhi puuri naqaab ulTi nahin hai shaam-e-sahraa ne

— Parvez Shahidi

yaad hain aap ke toDe hue paimaan ham ko
kijiye aur na sharminda-e-ehsaan ham ko

— Parvez Shahidi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yuun to maujud apne ghar mein hai
aadmi mustaqil safar mein hai

— Saleem Amrohvi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey