jab us ne miraa khat na chhuaa haath se apne — Peer Sher Mohammad Ajiz

kisi ki zulf ke saude mein raat ki hai basar
kisi ke rukh ke tasavvur mein din tamaam kiyaa

— Peer Sher Mohammad Ajiz

na to main huur kaa maftun na pari kaa aashiq
khaak ke putle kaa hai khaak kaa putlaa aashiq

— Peer Sher Mohammad Ajiz

phaT jaate hain zakhm-e-dil-e-betaab ke angur
saaqi tire haathon se jo saaghar nahin miltaa

— Peer Sher Mohammad Ajiz

shab-e-vasl aaj vo taakid karte hain mohabbat se
abhi so rahne do kuchh raat guzre to jagaa lenaa

— Peer Sher Mohammad Ajiz

sunaa hai arsh-e-ilaahi isi ko kahte hain
tavaaf-e-kaaba-e-dil ham ne subh-o-shaam kiyaa

— Peer Sher Mohammad Ajiz

naakhun kaa rang sina-kharaashi se ye huaa
surkhi shafaq se aati hai jaise hilaal par

— Peer Sher Mohammad Ajiz

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

shahr mein saare charaaghon ki ziyaa khaamosh hai
tirgi har samt phailaa kar havaa khaamosh hai

— Ameer Imam

bane hain kaam sab uljhan se mere
yahi atvaar hain bachpan se mere

— Kashif Husain Ghair

khamoshi meri maani-khez thi ai aarzu kitni
ki jis ne jaisaa chaahaa vaisaa afsaana banaa Daalaa

— Arzoo Lakhnavi

hai kuchh aisi hi baat jo chup huun
varna kyaa baat kar nahin aati

— Mirza Ghalib