phaT jaate hain zakhm-e-dil-e-betaab ke angur — Peer Sher Mohammad Ajiz

kisi ki zulf ke saude mein raat ki hai basar
kisi ke rukh ke tasavvur mein din tamaam kiyaa

— Peer Sher Mohammad Ajiz

na to main huur kaa maftun na pari kaa aashiq
khaak ke putle kaa hai khaak kaa putlaa aashiq

— Peer Sher Mohammad Ajiz

jab us ne miraa khat na chhuaa haath se apne
qaasid ne bhi chipkaa diyaa divaar se kaaghaz

— Peer Sher Mohammad Ajiz

shab-e-vasl aaj vo taakid karte hain mohabbat se
abhi so rahne do kuchh raat guzre to jagaa lenaa

— Peer Sher Mohammad Ajiz

sunaa hai arsh-e-ilaahi isi ko kahte hain
tavaaf-e-kaaba-e-dil ham ne subh-o-shaam kiyaa

— Peer Sher Mohammad Ajiz

naakhun kaa rang sina-kharaashi se ye huaa
surkhi shafaq se aati hai jaise hilaal par

— Peer Sher Mohammad Ajiz

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri