mohabbat ki sultaani hai sab jagat mein — Quli Qutub Shah

karein taaqat ganvaa kar aabidaan mai-khaana kuun sajda
kyaa zunnaar mein tasbih dekhan ru-e-zebaaraa

— Quli Qutub Shah

nabi sadqe kutub shah dil mein kiitaa
mohabbat haidar-e-karraar ehdaas

— Quli Qutub Shah

piyaa ki yaad suun piitaa huun main mai
hamaaraa haal kyaa jaaneinge sukh-zaad

— Quli Qutub Shah

piyaa baaj pyaalaa piyaa jaae naa
piyaa baaj yak-til jiyaa jaae naa

— Quli Qutub Shah

'qutub' shah na de muj divaane ko pand
divaane kuun kuch pand diyaa jaae naa

— Quli Qutub Shah

main na jaanun kaaba-o-but-khaana-o-mai-khaana kuun
dekhtaa huun har kahaan dasta hai tuj mukh kaa safaa

— Quli Qutub Shah

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti