khuub jaantaa hai ye ik faqir haathon mein — Safar Naqvi

ham aise jaaeinge le kar balaaein duniyaa ki
kahin na hogaa koi haadisa hamaare baad

— Safar Naqvi

ham se tai hogaa zamaane mein bulandi kaa vaqaar
nok-e-neza se bhi ham niche nahin dekheinge

— Safar Naqvi

idhar vo sahraa mein khaak dhuntaa udhar vo dariyaa kinaare gum-sum
ajiib hote hain ye ta'alluq musaafiron ke musaafiron se

— Safar Naqvi

udaas aankhon ki viraan maang bharne ko
ye niind khvaab kaa sindur le ke aai hai

— Safar Naqvi

safar ho shaah kaa yaa qaafila faqiron kaa
shajar mizaaj samajhte hain raahgiron kaa

— Atul Ajnabi

ho gayaa huun main naqaab-e-ru-e-raushan par faqir
chaahiye tah-band mujh ko chaadar-e-mahtaab kaa

— Muneer Shikohabadi

ham faqiron se be-adaai kyaa
aan baiThe jo tum ne pyaar kiyaa

— Mir Taqi Mir

aur agar chaahe ki ho 'khvaah-makhvaah' shohrat teri
yusufi gar nahin mumkin to zulekhaai kar

— Ghaus Khah Makhah Hyderabadi

faqir-e-shahr bhi rahaa huun 'shahryaar' bhi magar
jo itminaan faqr mein hai taaj-o-takht mein nahin

— Ahmad Shahryar

kabhi darvesh ke takiya mein bhi aa kar dekho
tang-dasti mein bhi aaraam mayassar niklaa

— Anees Ansari