go ki tujh lutf ke qaabil dil-e-ranjur nahin — Santokh Rai Betab

khudaa kisi ko giraftaar zulf kaa na kare
nasib mein kisi kaafir ke ye balaa na kare

— Santokh Rai Betab

chashm-e-bad-dur ajab khush-qad-o-qaamat hogaa
abhi fitna hai koi din mein qayaamat hogaa

— Santokh Rai Betab

na rahe baagh-e-jahaan mein kabhi aaraam se ham
phans gae qaid-e-qafas mein jo chhuTe daam se ham

— Santokh Rai Betab

apne mazhab mein hai ik shart tariq-e-ikhlaas
kuchh gharaz kufr se rakhte hain na islaam se ham

— Santokh Rai Betab

aah di siine mein aatish kaun si be-dard ne
dil se le kar munh talak umDaa huaa ik dard hai

— Santokh Rai Betab

mohabbat ki bhi kyaa hotin nahin ai ham-nashin raahein
ki khubaan yuun hamein dukh dein, ham un ko is tarah chaahein

— Santokh Rai Betab

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey