gulzaar mein vo rut bhi kabhi aa ke rahegi — Sharif Kunjahi

tu june ki garmi se na ghabraa ki jahaan mein
ye lu to hamesha na rahi hai na rahegi

— Sharif Kunjahi

tavil raat bhi aakhir ko khatm hoti hai
'sharif' ham na andheron se maat khaaeinge

— Sharif Kunjahi

bastiyaan tu ne khalaaon mein basaain bhi to kyaa
dil ke viraanon ko dekh in ko bhi kuchh aabaad kar

— Sharif Kunjahi

ghunuda raahon ko tak tak ke sogvaar na ho
tire qadam hi musaafir inhein jagaaeinge

— Sharif Kunjahi

khanda-e-mauj miri tishna-labi ne jaanaa
ret kaa taptaa huaa dekh ke zarra koi

— Sharif Kunjahi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath

— Parveen Shakir